I CHJASSI DI U CUMUNU

L’ellezzioni  di 2015  chi  purtebbenu ghjente ricuniscendusi naziunalisti a u puere ,   u ghjuramentu di l’esecutivu  chi dice : « -Facciu ghjuramentu di travaglià in u quadru di e mo funzione cù u più grande rispettu di l’interessu generale è à prò di u populu corsu. », ci puianu fà sperà in  un  avvene à prò di u nostru populu .

Ancu s’ell’un si pò scantà a duminazione   culuniale, i fatti mi facenu assai dubbità ; piglieraghju nepochi di fatti   :

– A pulitica di a lingua corsa  :  a lingua si ne more chi  ùn s’aopra micca.

Quelli chi si ne volenu esse i porta voce,  proanu a dalli un culore « muernu » e «  intellettuale « dendu a primura  à a scrittura , disprezendu a prununzia (i nomi sò ammuzzati – Petr’Antone  diventa Petr’Antò, Dumenicu  Dumè, Ghjuvanni ghjuvà’…..- ; in Cismonte  e cunsunalli tra duie vucalli si prununzianu ; u ghj  hè prununziatu   gh o g ),  cercanu , in astrò,  parulle per intusichilla (« allevatore » , « appuntamento » , « puliziottu »).

stu ‘nstrumentu  maiò di a lea naziunale ùn pare che un artifiziu aupratu che a casu per  nepochi d’eletti , e una scusa per nepochi d’associi , à a moa , per fassilla valè …

–  A pulitica di trasporti, pare di più fiata  a u privatu che a l’interessi di u Populu :

– A Corsica Linea  hè  privata .

Ancu si a cullettivitai dice dassi i mezi di pue ammaestrà e nove cumpagnie  , mi si pare chi u privatu (u   puere di u sollu ) s’impone .

– L’annunzii, fatti sti  ghjorni   passati,  ci preparanu à vee cappià  Air Corsica  à u privatu.

Ognunu sà chi a mira  di u privatu hè  u benefiziu , e u benefiziu  ùn fieghja ne u Populu, ne a ghjente.

Si pò dinnù rimercà chi e scelte fatte dà Air Corsica   sò di più purtate   dà u turisimu che da e primure nustrali .

– A pulitica « agrìculla »   :

Hè sempre a listessa !

Ùn si parlà che « d’économie de niche » : quella chi vole » pruduce » (eu diceria cumblicullà)  ciò chi costa pocu e face vince i solli , quella chi impieca furesteri chi costanu pocu , travaglianu assai , …

Quantu serà u percentuale di l’impiecati corsi in tutte ste ’ntraprese  « agrìculle » ?

A  «prime à la vache », ancu s’ella si pò ghjustificà per nepochi di vaccaghji chi facenu  e cose cum’ellu ci ‘ole , danighjeghja, ferisce, tomba , e impie e stacche di nepochi di stercaghji chi prumenanu i so 4X4.

In Cismonte , i porci , i razzoni , i cignali, campanu in paese  e ùn sò che quelli chi ponu paggà   e chjuende  chi si paranu.

’Nù a muntagna di  u  San Petrone  ci sò per migliaie  , e s’omu ci aghjusta e vacche e i tempuralli  si pò capisce u dannu .

Sti fatti so cunisciuti da tutti .

Chi face a cullettivitai ? seguita à Colombani ….

– U turisimu  : custì dinù, mi pare chi a  «rentabilité » piglia u passu nantu a l’interessi di u Populu.

U percentuale di i corsi , impiecati e ancu  patroni seria ghjuviziosu a cunosce …

– U populu  :  ci sò i figlioli di sta terra  chi campanu fora  di casa, chi sò disgraziati, e fin’a oghje, ch’o sappie, nunda ùn hè statu fattu per mandà u segnu simbolicu  a sti fratelli per dilli ch’elli sò di i nostri .

ùn sò un passiunatu   di  a pulitica di i  «résidents »   , ùn mi pare esse quella chi parerà a disgrazia di u nostru populu .

–  Ci ‘ole dinnù à signalà a pulitica di u mulizzu  , chi ancu s’ellu ci hè statu una  riflessione prufonda  , ùn   hè stata seguitata di nisun’ attu.

U mulizzu hè di a rispunsabliltai di e  «cumune »  e di e  «communauté de communes »   ,’ncù u Sivadec prumoenu una pulitica di pruminata di u mulizzu   chi ne tratechja nepochi.

A cullettivitai , s’ella volle,   postu ch’ella   l’« aiuta» , si pò impone  e mette in pratica a pruposta di l’uffiziu  (di  l’ambiente)   di a natura .

Aghjusteraghju chi ,  a contu meu ,  u  nuziunalisimu  s’ellu hè  suttumessu a e  «lumere « e à a «communauté européenne » ùn pò più esse naziunalisimu .

Tutti sti rimproveri, hè capita, ne frighjerà a nepochi  ; a mè mi pare ch’elli ci ponu aiutà a riflette  si a straa pigliata hè quella di u Naziunalisimu.

— ps : mi sò manghjatu nepoche di cunsunalli, l’aghju fatta apposta per aricurdà ch’ell’hè a lingua parlata chi deve avè u cummandu .

Andria Chalaris