SICONDA REUNIONE PUBLICA

images

A prima reunione publica di u chjerchju di riflessione « I CHJASSI DI U CUMUNU », messu in opera da pocu, hè stata fatta u Ghjovi u 23 d’Aprile annantu à a tematica « perchè stu chjerchju di riflessione oghje ? ». Issa stonda hà datu scambii ricchi assai è hà permessu à l’urganisatori di prisentà a so dimarchja per via di e so indiature, i so ubbietivi, a so manera d’urganizassi è i so mezi d’azzione.

Dopu à issu primu scontru, i membri fundatori di u chjerchju « I CHJASSI DI U CUMUNU » invitanu tutti quelli chì sò interessati à vene à a siconda reunione publica, u Ghjovi 28 di Maghju, à u Bistrot du Cours (Aiacciu) à 8 ore di sera annantu à a tematica « Evuluzioni stituziunali, pè chì fà ? ». 

Prugrama di a reunione

A reunione serà cumposta di sei parte distinte cù scopi è intervenenti sfarenti:

1- Presentazione di u chjerchju è di u scopu di a reunione (Ghj L Rossi)

2- Presentazione di u tema di u ghjornu ind’è un cuntestu più generale, e so cunfine, e perspettive è u quadru pè i scambii chì anu da seguità ( P Poggioli)

3- Presentazione di qualchì elementu necessariu à a ragiunata (Ghj Taddei)

4- Presentazione di un’uzzione pramatica è detta « valevule ». Listinu di parechje vie pussibule (T Fieschi)

5-Spiegazione di a manera di fà pè a presa di parolla ( bastone di parolla ) (F Bonardi), Tramandera di u bastone è « timing » (F Bonardi)

« Chairman » (P Poggioli)

6- Chjudenda (Ghj Rossi)
« Chì vole stà, ùn esci da a so casa »

Publicités